राजधानीमा योग दिवस मनाइँदै, (फोटो फिचर)

काठमाडौं- ‘सबैका लागि योग, सधैंका लागि योग’ भन्ने नारासहित आज देशभर राष्ट्रिय योग दिवस मनाइँदैछ।

दिवसका अवसरमा बिहानै काठमाडौंमा प्रभातफेरीको आयोजना गरियो। ब्रह्माकुमारी राजयोग सेवा केन्द्रको अगुवाइमा प्रभातफेरी निकालिएको हो।

हरेक माघ १ गतेलाई राष्ट्रिय योग दिवस मनाउने गरी सरकारले २०७२ साउन २८ गते औपचारिक निर्णय गरेको थियो।

वैदिक कालमा हिमालयको काखमा ऋषिमुनिले अध्ययन अनुसन्धान गरी प्रतिपादन गरेको योग नेपालमै लुप्तप्रायः बनेको थियो। प्राचीनकालमा योग, ध्यान र आयुर्वेदका माध्यमबाट मानसिक शान्ति एवम् स्थिरता र आरोग्यताको प्राप्ति हुन्थ्यो।

नेपालभर योग सिकाउने ६ सयभन्दा बढी संस्था रहेका छन्। यी संस्थामा योग अभ्यास गर्न आउने विदेशीहरुको संख्या पनि निकै छ।

तपाईको प्रतिक्रिया